Thaçi takoi ndihmës-sekretarin amerikan Reeker
“Dialogu është rruga e vetme për të siguruar paqe të qëndrueshme dhe stabilitet në rajon”
Presidenti i Kosovës, Hashim Thaçi është duke marrë pjesë në konferencën e sigurisë në Mynih të Gjermanisë. Thaçi atje është takuar me ushtruesin të detyrës së ndihmës-sekretarit amerikan të Shtetit për çështje të Evropës dhe Euroazisë, Philip Reeker.
Thaçi në Twitter ka shkruar se gjatë diskutimit me Reeker, i ka konfirmuar atij përkushtimin e Kosovës për të arritur marrëveshjen përfundimtare me Serbinë.
“Një diskutim i shkëlqyeshëm me ushtruesin e detyrës së ndihmës-sekretarit amerikan të Shtetit, Phil Reeker sot në Mynih. E falënderova atë për përkrahjen e ShBA-së për Kosovën dhe i konfirmova përkushtimin tonë për të arritur një marrëveshje përfundimtare të njohjes me Serbinë. Dialogu është rruga e vetme për të siguruar paqe të qëndrueshme dhe stabilitet në rajon”, ka shkruar Thaçi në Twitter. /21Media
Excellent discussion w/ Assistant Secretary, Phil Reeker, today in Munich. Thanked him for the US support to #Kosovo, & confirmed our commitment to reaching a final agreement for recognition w/ Serbia. Dialogue is the only way to ensure lasting peace and stability in the region.
— Hashim Thaçi (@HashimThaciRKS) February 15, 2020