Thaçi: Ushtria, jetësim i sakrificës shekullore të popullit tonë
Ditë historike për Republikën e Kosovës
Preidenti i Kosovës, Hashim Thaçi pak çaste para votimit historik për krijimin e Ushtrisë së Kosovës, tha se kjo ushtri është jetësim i sakrificës shekullore të popullit tonë.
Gjithashtu edhe kryeministri i vendit, Ramush Haradinaj përmes një postimi në “Facebook” tha sot se po vendosim në vend një të drejtë të natyrshme.
Sot nga ora 10:00 pritet që në Kuvendin e Kosovës të mbahet seanca për votimin e ushtrisë.
Në këtë seancë do të votohen tri projektligje:
1. Shqyrtimi i dytë i Projektligjit për Ministrinë e Mbrojtjes,
2. Shqyrtimi i dytë i Projektligjit për Forcën e Sigurisë së Kosovës,
3. Shqyrtimi i dytë i Projektligjit për shërbim në Forcën e Sigurisë së Kosovës.
Ndërsa ceremonia në Ministrinë e FSK-së do të mbahet nga ora 17:00./21Media