Thaçi vitin 2019 e shpall si vitin e NATO-s në Kosovë
Populli i Kosovës do jetë përjetësisht mirënjohës shteteve anëtare të NATO-s
Presidenti i Republikës së Kosovës, Hashim Thaçi përmes një komunikate të dërguar për media, ka treguar se vitin 2019 -të e ka shpallur vit të NATO’s në Kosovë.
“Në këtë vit shënohet 20 vjetori i intervenimit humanitar të NATO-s në Kosovë, intervenim ky që kishte ndodhur pas masakrave, spastrimit etnik dhe krimeve të forcave serbe mbi popullatën civile në Kosovë, si dhe pas dështimit të përpjekjeve diplomatike botërore për gjetjen e një zgjidhjeje paqësore për Kosovën”, bëhet e ditur në komunikatën për media.
Më 24 mars 1999, forcat ajrore të NATO-s e kishin nisur fushatën e bombardimeve kundër caqeve të shtetit serb, që kishte zgjatur gjithsej 78 ditë, duke ndalur gjenocidin dhe sjellë lirinë për Kosovën.
Në fund të kësaj komuniakte presidenti i Republikës së Kosovës, Hashim Thaçi ka thënë se populli i Kosovës do u jetë përjetësisht mirënjohës shteteve anëtare të NATO-s për mbështetjen e tyre. /21Media