Trazirat në Venezuelë, nis përçarja mes ushtrisë
“Kushdo që mban armë, lutem të mos i përdor ato kundër popullit”
Në krizën e krijuar në shtetin e varfër të Amerikës latine, në Venezuelë, ushtria konsiderohet gjerësisht si faktor vendimtar. Duke folur nga zyra e tij në ambasadën venezueliane në Washington, një prej zyrtarëve më të lartë ushtarakë në Venezuelë Hose Luis Silva, deklaroi se i ndërprenë lidhjet me liderin e vendit Nikolas Maduro. Silva njoftoi poashtu se jep dorëheqje nga posti i atasheut të mbrojtjes në SHBA dhe deklaroi se mbështet udhëheqësin e opozitës Huan Gaido, të njohur nga një sërë vendesh si president i përkohshëm.
Silva kërkoi mbajtjen e zgjedhjeve të lira e të ndershme në vendin e vet të lindjes. Unë nuk e njoh me Nicolas Maduron si president, i tha ai gazetës se Majemit të botuar në spanjisht “El Nuevo Herald”.
“Mesazhi im i drejtohet të gjithë pjesëtarëve të forcave të armatosura, -vazhdoi zyrtari,- Kushdo që mban armë, lutem të mos i përdor ato kundër popullit. Jemi lodhur duke mbështetur një qeveri që ka tradhëtuar parimet me bazike dhe e ka shitur veten tek kombe të tjera”, tha Silva.
Njoftimi i tij përbën një thyerje në unitetin e liderëve ushtarake, të cilët më herët ishin zotuar për besnikëri ndaj Maduros, ndërsa vetëshpalljen e Guaidos e përshkruan si grusht shteti. Roli i ushtrisë shihet si vendimtar në konfliktin mes qeverisë së Maduros dhe lëvizjes opozitare të Guaidos që këmbëngul për zgjedhje të lira.
Dëshiron ta dëgjosh këtë lajm me zë?