Tre të lënduar në një aksident në Slivovë
Tre persona janë lënduar si pasojë e një aksidenti i cili ka ndodhur sot rreth orës 12:00 në fshatin Slivovë.
Lajmi për portalin rtv21.tv e konfirmoi zëdhënësja e policisë për Rajonin e Prishtinës, Flora Ahmeti.
Ajo tregoi edhe se si ka ardhur deri te aksidenti, ku një veturë e cila ishte në lëvzije ka humbur kontrollin dhe ka dalë nga rruga. Përveç lëndimeve të njerëzve ka edhe dëme materiale.
Personat e lënduar janë dërguar për trajtim mjekësor. Me rastin po merret njësiti trafikut./21Media