Tre të plagosur në Prishtinë

Tre persona janë plagosur me armë zjarri sonte në rrugën “Muharrem Fejza” të lagjes “Mati 1”.
Kjo plagosje ka ndodhur si pasojë e një përleshjeje. Tre të plagosurit janë dërguar në QKUK për trajtimin e nevojshëm mjekësor.
Lajmin për portalin rtv21.tv e ka konfirmuar zëdhënësi i Policisë për rajonin e Prishtinës, Agron Borovci.
“Rreth orës 23:15, është pranuar informata për një rast të plagosjes me armë zjarri në rrugën “Muharrem Fejza” në Prishtinë. Policia ka dalë në vendin e ngjarjes dhe mbështetur në të dhënat e para dyshohet për tre persona të plagosur nga arma e zjarrit. Të njëjtit janë dërguar në QKUK për trajtimin e nevojshëm mjekësor”, ka thënë Borovci.
Lidhur me rastin Policia ka identifikuar një person të dyshuar, ndërsa kanë nisur hetimet për të ndriçuar rastin./21Media

Back to top button