Trey Songz akuzohet për përdhunim nga Dylan Gonzalez

2 min read

Ylli i basketbollit Dylan Gonzalez po pretendon se këngëtari amerikan, Trey Songz e ka përdhunuar atë. Ajo gjithashtu ka angazhuar një avokat për ta përfaqësuar atë kundër këngëtarit.

Në një deklaratë të shpërndarë në Instagram të martën (11 janar), Gonzalez shkroi njoftoi të gjithë për situatën.

“Me atë që duket si lajme të përsëritura pafundësisht për sulmet e supozuara seksuale të kryera nga Trey Songz, unë jam e detyruar të rijetoj vazhdimisht në mendjen time dhe të vuaj sërish”, ka shkruar Gonzalez.

Një përfaqësues i Trey Songz e ka mohuar kategorikisht akuzën.

“Trey dhe ekipi i tij janë të sigurt në procesin ligjor dhe se do të ketë një bollëk informacionesh shfajësuese që do të vijnë gjatë javëve të ardhshme”, ka thënë ai, transmeton rtv21.tv

Deklarata e Gonzalez nuk është akuza e parë për sulm seksual ndaj Songz. Në nëntor, ai ishte subjekt i një hetimi për sulm seksual – përsëri në Las Vegas – pas një incidenti në The Cosmopolitan pasi ai festoi ditëlindjen e tij të 37-të në klubin e natës Drai.

Në vitin 2017, Keke Palmer detajoi takimin e vështirë me Songz në një video pasionante të shpërndarë në mediat sociale .

Palmer pretendoi se ai e mashtroi atë për të qenë në një video muzikore ndërsa ishte në një festë në Miami, duke pretenduar se ajo u fsheh në dollap për të shmangur filmimin, por më vonë zbuloi se Songz dhe miqtë e tij kishin bërë një video pa lejen e saj./21Media