Trump këmbëngul se objektet bërthamore të Iranit u “shkatërruan”
Presidenti i SHBA-së, Donald Trump, pohon se programi bërthamor i Iranit u pengua “dekada” nga sulmet ushtarake amerikane, pavarësisht një raporti të inteligjencës që hedh dyshime mbi suksesin e tyre.
I pyetur në lidhje me raportin e rrjedhur të inteligjencës, Trump thotë se ata “vërtet nuk e dinë” dhe përsërit se sulmet shkaktuan një “zhdukje totale” të centraleve bërthamore të Iranit, raporton BBC, përcjell portali rtv21.tv
Sekretari i Mbrojtjes i SHBA-së, Pete Hegseth, e përshkruan atë si një mision “të përsosur” dhe thotë se raporti i inteligjencës është “paraprak” dhe ka një “motiv politik”.
Po kështu, Sekretari i Shtetit Marco Rubio thotë se rrjedhja e informacionit është pjesë e një “loje që luajnë këta njerëz”.
Sekretari i Përgjithshëm i NATO-s, Mark Rutte, vlerësoi sulmet amerikane, duke thënë se ato “shkatërruan aftësinë bërthamore të Iranit” dhe u kryen në një “mënyrë mbresëlënëse”.
Dëshiron ta dëgjosh këtë lajm me zë?