Trupat ukrainase po trajnohen se si të përdorin automjetet e blinduara

Kryeministri britanik Boris Johnson bëri të ditur se disa nga trupat ukrainase janë në Britaninë e Madhe, duke u trajnuar se si të përdorin automjetet e blinduara që ky shtet po e furnizon për të zmbrapsur forcat ruse.
“Mund të them se aktualisht po trajnojmë ukrainasit në Poloni për përdorimin e mbrojtjes kundërajrore, dhe në fakt në Mbretërinë e Bashkuar në përdorimin e automjeteve të blinduara”, u tha Johnson gazetarëve që udhëtonin me të në Indi, përcjell rtv21.tv
Trupat ukrainase filluan stërvitjen me automjete të dhuruara nga Britania këtë muaj, tha një zëdhënës i Johnson, raporton BBC
Britania po i siguron Ukrainës 120 automjete patrullimi të blinduara, duke përfshirë Mastiff, i cili mund të përdoret si mjet zbulimi ose patrullimi. Ushtarët do t’u tregohet gjithashtu se si të përdorin ambulancën samaritane dhe automjetet e blinduara të zbulimit Sultan dhe Samson.
Zëdhënësi tha se Britania dhe aleatët e saj po u siguronin ushtarëve ukrainas lloje të reja pajisjesh që mund të mos i kishin përdorur më parë.
“Është e arsyeshme që ata të marrin trajnimin e nevojshëm për ta përdorur atë sa më mirë”, tha zëdhënësi.
“Ne jemi gjithmonë të vetëdijshëm për çdo gjë që perceptohet të jetë shkallëzuese, por qartësisht ajo që është përshkallëzuese janë veprimet e regjimit të Putinit”, shtoi ai./21Media