U dënua për një krim që nuk e kishte kryer, 50-vjeçari lirohet pas 28 vjetësh
Një burrë amerikan, i cili kaloi gati 28 vjet pas grilave për një vrasje që ai gjithmonë e ka mohuar ta ketë kryer, i është rrëzuar dënimi në Misuri.
Lamar Johnson, 50 vjeç, doli nga salla e gjyqit të St Louis si një burrë i lirë pas një vendimi të gjykatësit David Mason të martën.
Gjykatësi tha se ai veproi pasi dy dëshmitarë kishin ofruar “prova të qarta dhe bindëse” se Johnson ishte i pafajshëm.
Ai ishte dënuar për vrasjen e Marcus Boyd në vitin 1994.
Johnson u prek dukshëm kur u shpall vendimi, ndërsa mbështetësit e tij filluan të brohoritnin dhe duartrokisnin.
“Kjo është dërrmuese,” tha zoti Johnson, pasi doli nga salla e gjyqit.
Vitin e kaluar, avokatja Kim Gardner kishte paraqitur një mocion duke kërkuar lirimin e zotit Johnson pas kryerjes së një hetimi së bashku me organizatën ligjore jofitimprurëse të Projektit Innocence.
Pas seancës dëgjimore të së martës, ekipi ligjor i Johnson kritikoi zyrën e prokurorit të përgjithshëm të shtetit, i cili kishte shtyrë ta mbante atë në burg.
Zyra “nuk pushoi kurrë së pretenduari se Lamar ishte fajtor dhe ishte rehat që ai të lëngonte dhe të vdiste në burg,” thanë avokatët e Johnson në një deklaratë.
Një zëdhënës i prokurorit të përgjithshëm tha në një email se zyra nuk do të ndërmarrë asnjë veprim të mëtejshëm në këtë rast.
“Zyra jonë mbrojti sundimin e ligjit dhe punoi për të mbështetur verdiktin fillestar që një juri e kolegëve të Johnson e konsideroi të përshtatshme bazuar në faktet e paraqitura në gjyq”, thuhet në deklaratë.
Marcus Boyd u qëllua për vdekje nga dy persona të maskuar në verandën e përparme të Johnson në tetor 1994.
Johnson ka thënë vazhdimisht se ai nuk ishte në shtëpi kur ndodhi sulmi.
Gjyqtari Mason dha vendimin e tij pasi një dëshmitar kishte hequr dorë nga dëshmia e tij dhe një i burgosur kishte rrëfyer se ai qëlloi Boyd me një të dyshuar tjetër, Phil Campbell.
Gjatë gjykimit fillestar, Campbell u deklarua fajtor për një akuzë të reduktuar dhe u dënua me shtatë vjet burg./21Media
