U prishen 1000 vaksina, dikush shkyqi frigoriferin për ta mbushur telefonin

 

Një klinikë në Kirgistan, një vend aziatik, iu desh të hidhte mijëra doza të vaksinës “Sputnik V” kundër Covid-19, pasi dikush shkyqi një nga frigoriferët që për të karikuar telefonin e tij.

Autoritetet nga ana tjetër, kanë kritikuar këtë incident, i cili u bë i ditur këtë javë, por që në fakt kishte ndodhur gjatë muajit prill të këtij viti.

Vaksinat e humbura ishin pjesë e një grumbulli prej 20,000 dozash të ndihmës humanitare të siguruar nga Rusia në një vend të Azisë Qendrore, transmeton rtv21.tv.

Sipas Ministrit të Shëndetësisë, Alimkadir Beshenaliev, gabimi u bë nga një punonjës mirëmbajtjeje që kërkonte një prizë për të karikuar një celular.

Kirgistani është përfshirë nga vala e tretë e pandemisë me më shumë se 100 mijë raste të infektuarish dhe 1735 të vdekur nga gjashtë milionë njerëz sa ka popullsi ky vend.

Më shumë se 50 mijë njerëz kanë marrë të paktën një dozë vaksine deri më tani./21Media