Ukraina ia rrëzon Rusisë katër raketa lundrimi dhe 10 dronë sulmues
Ushtria e Ukrainës ka rrëzuar katër raketa lundrimi dhe 10 dronë sulmues, në kundërpërgjigje të një sulmi ajror rus gjatë natës.
Forcat e saj ajrore thanë në një deklaratë se forcat ruse kishin lëshuar 16 dronë dhe gjashtë raketa lundrimi gjatë sulmit, dhe se dy raketa të tjera lundrimi kishin goditur një objekt civil në Ukrainën qendrore gjatë një sulmi të mëparshëm të enjten në mbrëmje, shkruan AlJazeera, përcjell rtv21.tv.
Presidenti Volodymyr Zelenskyy ka përshëndetur ato që ai i përshkroi si “rezultatet” në luftimet e ashpra në rajonin Donetsk në Ukrainën lindore.
“Ka luftime shumë të ashpra në rajonin e Donetsk. Por ka rezultate dhe u jam mirënjohës atyre që i kanë arritur këto rezultate. Hap pas hapi”, tha Zelensky në video-mesazhin e tij të përditshëm, pasi vizitoi zonat e prekura nga thyerja e digës Kakhovka.
Pentagoni po përgatit 2 miliardë dollarë paketë të mbrojtjes ajrore për Ukrainën
SHBA-ja në ndërkohë do të shpallë një paketë të re armësh për Ukrainën me vlerë më shumë se 2 miliardë dollarë.
Fondet nën Iniciativën e Ndihmës për Sigurinë e Ukrainës do të jenë të nevojshme për municionet e mbrojtjes ajrore dhe do të ndihmojnë Ukrainën të blejë raketa lëshuese Hawk dhe dy lloje të raketave të avancuara të mbrojtjes ajrore Patriot, thuhet në raport. /21Media