Ukraina thotë se 2 punëtorë janë rrëmbyer në Zaporizhzhia

Dy punëtorë ukrainas në termocentralin bërthamor Zaporizhzhia të pushtuar nga Rusia u rrëmbyen të hënën, njoftoi kompania shtetërore e energjisë ukrainase Energoatom, në një postim në Telegram.

“Dje, terroristët bërthamorë rusë arrestuan Oleh Kostyukov, kreun e shërbimit të teknologjisë së informacionit në NPP Zaporizhzhia, dhe Oleh Osheka, ndihmës i drejtorit të përgjithshëm të uzinës, dhe i çuan në një destinacion të panjohur. Aktualisht, asgjë nuk dihet për vendndodhjen dhe gjendjen e tyre”, njoftoi Energoatom të martën.

“I bëjmë thirrje drejtorit të përgjithshëm të IAEA, Rafael Grossi, dhe mbarë botës që të bëjnë çdo përpjekje dhe të marrin të gjitha masat e mundshme për të çliruar punëtorët e ZNPP nga robëria e terroristëve rusë dhe për të lehtësuar kthimin e tyre në detyrë”, thuhet tutje në njoftim.

Javën e kaluar, kompania Energoatom akuzoi gjithashtu forcat ruse për rrëmbimin e Valeriy Martyniuk, një zëvendësdrejtor i përgjithshëm në centralin bërthamor.

Fabrika, e cila ndodhet në pjesën e pushtuar nga Rusia të rajonit të Zaporizhzhia, është më e madhja në Evropë. Ajo është mbajtur nga forcat ruse për më shumë se shtatë muaj, por operohet nga stafi i saj ukrainas./21Media

Artikuj të ngjashëm

Back to top button
close button