Ukraina thotë se ende nuk i ka treguar “dhëmbët” në kundëofensivën ndaj Rusisë
Goditja më e fortë e Ukrainës në fushatën kundër-ofensive ndaj Rusisë “mbetet të shihet më vonë”, ka thënë zëvendësministrja e Mbrojtjes në Ukrainë, Hanna Maliar.
“Ne kemi ende ngjarje të mëdha përpara dhe sulmi kryesor është ende përpara”, tha Maliar.
“Çdo ditë ne bëjmë përparim. Çdo ditë. Po, është graduale, por trupat tona po fitojnë një terren në këto linja dhe po përparojnë me besim”, deklaroi ajo.
Maliar tha se operacionet sulmuese “po shkonin sipas planit”, duke shtuar se është “e parakohshme të bëhen vlerësime tani”.
Rusia, ndërkohë, po shton forcat e saj përgjatë frontit, duke dërguar njësi sulmi ajrore në jug dhe lindje.
Zyrtarët ukrainas theksuan këtë javë se kundërofensiva e tyre – për të cilën zyrtarët perëndimorë kanë thënë se “nuk i përmbushi pritshmëritë” – do të marrë kohë, me kryeministrin që bëri thirrje për durim dhe presidentin Volodymyr Zelensky duke u thënë aleatët që të mos e shohin luftën si një “film hollivudian”.
“Nuk duhet të presim që ofensiva të jetë diçka shumë e shpejtë, të fillojmë në orën 1, të kemi përfunduar në orën 2 dhe të kemi çliruar disa rajone, ndërkohë që të gjithë njerëzit kanë drekuar. Nuk do të funksionojë kështu”, tha ajo. /21Media
Dëshiron ta dëgjosh këtë lajm me zë?