Ukrainasit thonë se rusët nuk po bëjnë përparim në ofensivën e Donetsk

Ushtria ukrainase thotë se situata në rajonin lindor të Donetskut është praktikisht e pandryshuar, pavarësisht përpjekjeve javë të tëra nga forcat ruse dhe aleatët e tyre në milicitë e Donbasit për të marrë një territor të ri.
Objektivi i deklaruar i presidentit rus Vladimir Putin është të marrë të gjitha rajonet e Donetskut dhe Luhanskut, por forcat ukrainase ende kontrollojnë më shumë se një të tretën e Donetskut, transmeton rtv21.tv.
Shtabi i Përgjithshëm i Ushtrisë ukrainase tha të enjten se rusët ishin përpjekur edhe një herë të sulmonin në disa drejtime, drejt qytetit Sloviansk dhe qyteteve Bakhmut dhe Avdiivka.
Në çdo rast, tha Shtabi i Përgjithshëm, forcat ruse kishin qenë të pasuksesshme dhe ishin tërhequr.
Ai foli për sulme të rënda me tanke, artileri dhe mortaja në jug, ku forcat ukrainase po përpiqen të dobësojnë mbrojtjen ruse.
Sipas Shtabit të Përgjithshëm, rusët kishin qëlluar mbi 15 vendbanime në rajon, kryesisht përgjatë kufijve të rajoneve Mykolaiv dhe Kherson, të cilat kanë qenë një vijë e frontit aktiv për më shumë se dy muaj./21Media