USAID-i krenar me punën e RTV21

USAID ka thënë se janë krenarë me RTV21 pasi që ky medium ka mbajtur pushtetin për të dhënë llogari dhe ka ndihmuar njerëzit të marrin vendime.

“Qytetarët nuk mund të marrin pjesë në një shtet të ri demokratik pa akses në informacion nga burime të cilave u besojnë. Kjo është arsyeja pse USAID-i i kushtoi kaq shumë kohë, energji dhe burime forcimit të mediave të pavarura gjatë ditëve tona të para këtu. Menjëherë pas luftës, ne mbështetëm themelimin e disa prej transmetuesve të parë të pavarur televiziv të Kosovës, duke përfshirë KTV – Kohavision dhe RTV21. Në dekadat që pasuan, këto media dhe shumë nga partnerët tanë të tjerë të medias kanë mbajtur pushtetin për të dhënë llogari dhe kanë ndihmuar njerëzit të marrin vendime të informuara për qeverisjen. Ne jemi krenarë për këtë punë dhe mbetemi më të përkushtuar se kurrë për të mbrojtur këto përfitime për brezat që vijnë”, thuhet në shkrimin e USAID-it./21Media