Vdiq 4-vjeçarja një ditë pasi ajo dhe prindërit e saj rezultuan me COVID

Një vajzë katërvjeçare vdiq në gjumë në shtëpinë e saj në Teksas një dite pasi ajo dhe prindërit e saj të pavaksinuar rezultuan me Covid-19.
Kjo u bë vdekja më e re nga COVID në qarkun Galveston që nga fillimi i pandemisë, dhe tani prindërit e saj janë penduar për vendimin e tyre për të mos u vaksinuar kundër virusit.
“Unë isha një nga njerëzit anti-vaksinim. Tani, do të doja të mos isha kurrë”, tha nëna Karra Harwood.
Harwood i tha se vajza e saj nuk kishte diagnostikuar çrregullime imune ose gjendje të tjera shëndetësore, por ajo prirej të sëmurej më shumë se vëllezërit e motrat e saj, transmeton rtv21.tv.
Shumica e familjes ishte nën karantinë pasi Harëood rezultoi pozitiv me virusin të hënën dhe duhej të ndahej larg familjes.
Pavarësisht përpjekjeve të tyre, virusi u përhap shpejt, duke infektuar të fejuarin e saj dhe djalin e saj 5 muajsh, të cilët u dërguan në spital.
Rreth orës 2 të mëngjesit të së martës, Harëood vuri re se Kali kishte ethe, kështu që ajo i dha asaj disa ilaçe dhe e ndihmoi të kthehej në gjumë.
Deri në orën 7 të mëngjesit, kur Harwood dhe i fejuari i saj u nisën për në punë, Kali kishte vdekur.
Kali, e cila sapo kishte filluar parashkollorin, është ndër 466 banorët e Galveston që humbën jetën për shkak të COVID-it, dhe ajo është banorja e parë më e re se 20-vjeçare që u bë viktimë e virusit.
Autoriteti Shëndetësor Lokal i Qarkut Galveston Philip Keizer e quajti vdekjen një tragjedi që nënvizon nevojën për më shumë vaksinime dhe kujdes gjatë kësaj faze të pandemisë./21Media