Vdiq “babai i bombës bërthamore të Pakistanit”

Burri i cili është konsideruar si “babai i bombës bërthamore të Pakistanit”, Dr Abdul Qadeer Khan, ka vdekur nga Covid-19 në moshën 85-vjeçare pasi u shtrua në spital.
Dr Khan u përshëndet si një hero kombëtar për transformimin e vendit të tij në fuqinë e parë bërthamore islame në botë.
Por ai ishte gjithashtu famëkeq për kontrabandën e sekreteve bërthamore në shtete, përfshirë Korenë e Veriut dhe Iranin.
Kryeministri Imran Khan tha se Pakistani kishte humbur një “ikonë kombëtare”, transmeton rtv21.tv.
“Ai është dashur nga kombi ynë për shkak të kontributit të tij kritik për të na bërë një shtet me armë bërthamore”, shkroi kryeministri në Tëitter.
I njohur si AQ Khan, shkencëtari ishte i rëndësishëm në ngritjen e uzinës së parë të pasurimit bërthamor të Pakistanit në Kahuta pranë Islamabadit. Deri në vitin 1998, vendi kishte kryer testet e para bërthamore.
Duke ardhur menjëherë pas testeve të ngjashme nga India, puna e Dr Khan ndihmoi në vulosjen e vendit të Pakistanit si fuqia e shtatë bërthamore në botë dhe ndezi gëzimin kombëtar.
Por ai u arrestua në vitin 2004 për ndarjen e paligjshme të teknologjisë bërthamore me Iranin, Libinë dhe Korenë e Veriut.
Zbulimet se ai i përcolli sekretet bërthamore vendeve të tjera tronditi Pakistanin.
Në një fjalim televiziv, Dr Khan kërkoi falje dhe tha se ndihet keq. Dr Khan u fal nga presidenti i atëhershëm i Pakistanit, Pervez Musharraf, por ai u mbajt në arrest shtëpiak deri në vitin 2009.
Butësia e trajtimit të tij zemëroi shumë në Perëndim, ku ai u quajt “përhapësi më i madh bërthamor i të gjitha kohërave”. Por në Pakistan ai mbeti një simbol i krenarisë për rolin e tij në rritjen e sigurisë kombëtare./21Media