Një 23 vjeçar vdiq sonte si pasojë  e një aksidenti që ndodhi në aksin e vjetër  Mamurras -Fushë Krujë, në afërsi të një karburanti në Mamurras.

Mjeti tip “Nissan” me drejtues shtetasin E.Q., u përplas me motorin me drejtues shtetasin R.P., 23 vjeç, banues në Mamurras, i cili vdiq gjatë transportimit për në  spitalin e Traumës, Tiranë.

Policia shoqëroi drejtuesin e mjetit  në ambientet e Komisariatit Kurbin për veprime të mëtejshme.

Grupi hetimor në vendgjarje punon për zbardhjen e plotë të shkakut dhe rrethanave të ngjarjes./oranews