Vëllai ia preu kokën me drapër motrës së tij shtatzënë
Një gruaje shtatzënë 19-vjeçare iu pre koka nga nëna dhe vëllai i saj në Indi.
Të dy ishin të zemëruar që ajo iku me shokun e saj të kolegjit dhe më pas u martua me të kundër vullnetit të familjes së saj, tha një zëdhënës i policisë për Indian Express.
Martesat e organizuara janë rregull në Indi, një martesë konsiderohet të jetë bashkimi i dy familjeve dhe jo vetëm një çift.
Siç është zakon në Indi për gratë e martuara, viktima jetonte me burrin e saj me vjehrrit – në një fermë në një zonë rurale në shtetin e Maharashtra, rreth katër kilometra nga fshati i tyre i lindjes.
Nëna e saj 38-vjeçare e takoi atje të dielën e kaluar, sipas policisë, për herë të dytë që nga dasma e saj në verë dhe vëllai 18-vjeçar për herë të parë.
Sipas policisë, e reja ishte duke bërë çaj, kur vëllai e sulmoi nga pas me drapër dhe e ëma mbajti këmbët e së bijës. Vëllai ia preu kokën dhe e nxori jashtë.
Burri i viktimës ishte gjithashtu në shtëpi dhe nxitoi në kuzhinë kur dëgjoi të binin enët, më pas vëllai tentoi ta vriste edhe atë, por ai mundi të shpëtojë.