Veseli mbledh krerët e shtetit për dialogun

Krerët e vendit po diskutojnë rreth çështjes së dialogut me Serbinë

Kryetari i Kuvendit të Kosovës, Kadri Veseli ka ftuar në takim krerët e shtetit dhe bashkëkryesuesit e ekipit shtetëror të dialogut.

Takimi po mbahet në kabinetin e Veselit dhe po diskutohet për dialogun. Lajmin për portalin rtv21.tv e ka konfirmuar këshilltari i Kadri Veselit, Valmir Klaiqi.

“Tash ora 12 Kryeparlamentari Kadri Veseli i ka ftuar krerët e shtetit dhe bashkëkryesuesit e ekipit shtetëror të dialogut në takim në kabinetin e tij në kuvend per te diskutuar per dialogun”, ka konfirmuar Klaiqi për rtv21.tv

Bashëkryesuesi i delegacionit shtetëror të Kosovës për negociata me Serbinë, kryetari i PSD-së Shpend Ahmeti në intervistë për RTV21 ka paralajmëruar se platforma për dialogun do të dorëzohet të martën  në Kuvend të Kosovës.

Qeveria e Kosovës më 21 nëntor të vitit të kaluar ka vendosur taksën 100% ndaj mallrave të importuara nga Serbia dhe Bosnje e Hercegovina. Ky vendim ka ngjallur shumë reagime dhe në arenën ndërkombëtare, BE vazhdon ta kërkojë heqjen e taksës, ndërsa, SHBA pezullimin e saj. Në anën tjetër, kryeministri i Kosovës, Ramush Haradinaj përsërit qëndrimin e tij se taksa nuk do të hiqet deri në njohje të Kosovës nga ana e Serbisë./21Media