Vetura godet për vdekje një këmbësor në Drenas

Një këmbësor ka vdekur si pasojë e një aksidenti në rrugën “Xhevat Demaku” në Drenas.

Rastin për portalin rtv21.tv e ka konfirmuar zëdhënësja e Policisë së Kosovës, Flora Ahmeti, e cila tregoi se vdekjen e tij e ka konstatuar ekipi mjekësor në QKUK.

Ahmeti shtoi se ngasësja e automjetit të përshirë në aksident është arrestuar.

“Rreth orës 10:40 kemi pranuar informatën se në rrugën “Xhevat Demaku”-Drenas, ka ndodhur një aksident trafiku me pasoja fatale. Në këtë aksident kanë qenë të përfshirë, një këmbësor dhe një veturë në lëvizje. Si pasojë e aksidentit lëndime të rënda trupore kanë pësuar këmbësori, i cili nuk ka arritë të përballojë plagët dhe i njëjti ka ndërruar jetë. Vdekjen e tij e ka konstatuar ekipi mjekësor në QKUK. Aktualisht policia ka nisë një hetim për zbardhjen e rrethanave që kanë quar deri te ky aksident trafiku, ndërkohë që ngasësja e automjetit të përfshirë në aksident është arrestuar”, tha Ahmeti./21Media