Vjen reagimi edhe nga KB Peja për skandalin e publikuar sot nga Sigal Prishtina

Sigal Prishtina përmes një komunikate zyrtare njoftoi më herët për një skandal në basketbollin kosovar, ku një person ka dhënë ryshfet drejt referëve grek, Zacharis dhe Vardaris, që këta dy të fundit të favorizojnë KB Trepçën në ndeshjen e fundit të gjysmëfinales së “PlayOff-it” mes dy skuadrave.

I menjëhershëm ishte reagimi nga KB Trepça e cila e mohoi se është përfshirë në këtë ngjarje, dhe tha se klubi është i pastër sikurse kristalet e Trepçës.

Tani ka reaguar edhe KB Peja, e cila po dyshon se të njëjtit referë kanë qenë të kurdisur edhe në ndeshjen kundër Yllit në gjysmëfinalen e tretë të “PlayOff-it” të Superligës së Kosovës në basketboll.

Komunikatën e KB Pejës e gjeni më poshtë.