Von der Leyen propozon paketë të re sanksionesh ndaj Rusisë

Në Bruksel kryetarja e Komisionit Evropian, Ursula von der Leyen, njoftoi për raundin tjetër të sanksioneve ndaj Rusisë.
Von der Leyen tha se “javën e kaluar, Rusia e përshkallëzoi pushtimin e Ukrainës në një nivel krejtësisht të ri” përmes mobilizimit dhe “referendumeve të rreme që janë një përpjekje e paligjshme për të rrëmbyer tokën dhe ndryshimin e kufijve ndërkombëtarë me forcë”.
“BE-ja është e vendosur të bëjë që Kremlini të paguajë me një paketë të re sanksionesh shtrënguese kundër Rusisë. Një ndalim i ri gjithëpërfshirës i importit të produkteve ruse do t’i mbajë ato jashtë tregut evropian dhe do t’i privojë Rusisë një të ardhur shtesë prej 7 miliardë eurosh “, thotë von der Leyen.
BE-ja do të zgjerojë listën e produkteve që nuk mund të eksportohen në Rusi, veçanërisht në lidhje me armët, avionët dhe substancat kimike.
Kjo do të “dobësojë kapacitetin e saj për të modernizuar” bazën ushtarake të Rusisë.
Von der Leyen thotë gjithashtu se sipas paketës, shtetasve të BE-së do t’u ndalohet të ulen në organet qeveritare të ndërmarrjeve shtetërore ruse, duke thënë: “Rusia nuk duhet të përfitojë nga njohuritë dhe ekspertiza e BE-së”./21Media