Vritet kryetari i një komune në Zvicër, e dyshuar gruaja e tij

Kryebashkiaku i Lauterbrunnen në Zvicër Martin Stager është gjetur i vrarë mbrëmjen e së mërkurës. Gruaja e tij gjermane u arrestua nën dyshimin për kryerjen e krimit, përcjell portali rtv21.tv
Sipas njoftimit për shtyp të policisë, hetime të gjera janë duke u zhvilluar nën drejtimin e zyrës së prokurorit publik rajonal në Bernese Oberland.
Stäger ishte anëtar i SVP-së dhe u zgjodh kryetar bashkie në vjeshtën e vitit 2014. Ai ishte aktiv në disa klube, duke përfshirë 18 vjet si president i klubit lokal të skive dhe 24 vjet si drejtues i seksionit ushtarak të komunitetit dhe në shoqatën tregtare./21Media