Vritet një emigrant në qendër të Italisë, arrestohet i dyshuari

Vdekja e një emigranti që u sulmua në mes të ditës në Itali ka ngjallur zemërim.
Sulmi ndaj tregtarit nigerian nga një burrë tjetër në qendër të qytetit Civitanova Marche në Itali u kap në video të premten.
Një 32-vjeçar italian është arrestuar si i dyshuar për vrasje dhe grabitje, transmeton rtv21.tv.
Videoja e sulmit e cila është shpërndarë gjerësisht në faqet e lajmeve italiane dhe mediat sociale ka tronditur komunitetin, ku shumë veta theksojnë “indiferencën” e dëshmitarëve.
Rrethanat e ngjarjes janë të paqarta.
Viktima është quajtur Alika Ogorchukwu, baba i martuar i dy fëmijëve.
Të shtunën qindra njerëz nga komuniteti lokal nigerian dolën në rrugët e Civitanova Marche, në rajonin Marche, për të kërkuar drejtësi.
Sulmi është dënuar edhe nga politikanët italianë./21Media