Vuçiq: Një tjetër shtet do ta tërheqë njohjen e Kosovës

Presidenti i Serbisë, Aleksandar Vuçiq ka qëndruar sot në Gjermani, ku ka takuar Sekretarin e Shtetit, Antony Blinken kancelarin gjerman, Olaf Scholz dhe presidentin francez, Emmanuel Macron.
Përkundër se Vuçiq takimin e ka quajtur serioz dhe korrekt, ai, në përvjetorin e 15 të pavarësisë së Kosovës, ka thënë se Serbia ka në posedim edhe një notë tërheqjeje të njohjes së pavarësisë së Kosovës nga një tjetër shtet.
Megjithatë Vuçiq ka thënë se nuk mund ta zbulojë shtetin deri më 23 ose 24 shkurt.
“Bisedimet ishin të mira, por asgjë e madhe nuk mund të ndodh. Duke e pasur parasysh të gjithë këtë, është mirë që ne shpjeguam pozicionin tonë. Ne kemi një dispozicion edhe një tjetër notë të tërheqjes së njohjes, por në pajtim me shtetin përkatës, do të presim deri më 23 ose 24 shkurt”, ka thënë Vuçiq.