Vuçiq për dialogun: Edhe biseda më e keqe është më mirë se të mos bisedosh fare

“Unë do të mbështes çdo vendim të serbëve me Kosovën, duhet të jeni me popullin tuaj kur është e vështirë, nuk po e detyroj askënd, por mendoj se rrethanat kanë ndryshuar dhe ata duhet të mendojnë për zgjedhjet. Shikoni hipokrizinë në anën tjetër”, tha presidenti serb Aleksandar Vuçiq.

Vuçiq tha sot se është e rëndësishme që Beogradi dhe Prishtina të bisedojnë dhe të zhvillojnë një dialog, edhe pse sipas tij kryeministri i Kosovës, Albin Kurti, nuk dëshiron dialog.

“Është e rëndësishme të flasim, të dialogojmë, edhe pse e dimë se nuk ka asgjë për të përfituar nga kjo, sepse Kurti nuk ka dashur asnjëherë dialog. Ne duam dialog, duam formimin e Unionit të Komunave Serbe, zbatimi i asaj që kemi rënë dakord, sidomos Marrëveshja e Brukselit, e cila është nënshkruar gati 11 vjet më parë, kam frikë se nuk kemi bashkëbisedues për këtë, por edhe biseda më e keqe është më mirë se mos bisedë fare”, tha Vuçiq.

Në Pekin, ku po merr pjesë në samitin “Belt and Road”, Vuçiq, i pyetur nga një gazetar për të komentuar akuzat e disa mediave se po “keqtrajton” serbët në Kosovë, tha se në fillim ishte pro pjesëmarrjes në zgjedhjet në veri, dhe se serbët me Kosovës nuk ishin për këtë.