Vuçiqi s’i bën bashkë pozitën dhe opozitën për planin franko-gjerman
Presidenti serb Aleksandar Vuçiq u është drejtuar qytetarëve përmes Instagramit, duke iu thënë se “do të luftojë dhe se Serbia do të fitojë”.
Në një video të publikuar në Instagram, Vuçiq ka thënë se u ka ofruar përfaqësuesve të opozitës që të takohen t’i njoftojë me propozimin franko-gjerman për dialogun Kosovë-Serbi, por ata kanë refuzuar.
“Në mënyrë të përgjegjshme, serioze, u kam ofruar partive parlamentare që të vijnë në konsultime, t’i theksojnë dhe të përpiqemi ta zgjidhim problemin bashkë. Ata thanë, ose shumica prej tyre, nuk na intereson, ne duam Kuvendin, duam të prezantohemi, duam një fitore politike, nuk jemi aq të interesuar për Kosovën”, tha Vuçiq.
View this post on Instagram