VV propozon Albin Kurtin për mandatar të Qeverisë

1 min read

Notice: Trying to get property 'post_excerpt' of non-object in /home/rtv21new/public_html/wp-content/themes/newsphere-pro/inc/hooks/hook-single-header.php on line 65

Letër presidentit

Lëvizja Vetëvendosje ka propozuar Albin Kurtin si mandatar për formimin e Qeverisë së re të Kosovës.

Përmes një letre, sekretarja e përgjithshme e VV-së, Vlora Haxhimehmedi iu ka drejtuar presidentit të vendit Hashim Thaçit në të cilën e proporzon Kurtin për mandatar për formimin e qeverisë.

Nga sot, edhe zyrtarisht ka nisur afati prej 15 ditësh për krijimin e ekzekutivit të ri sipas Kushtetutës së Kosovës.

Lideri i Lëvizjes Vetëvendosje, Albin Kurti dhe ai i Lidhjes Demokratike të Kosovës, Isa Mustafa kanë zhvilluar disa takime, ku kanë diskutuar për arritjen e një marrëveshjeje për koalicion qeverisës.  Por, marrëveshja s’është arritur ende. Ndërsa nuk është lajmëruar ndonjë takim tjetër.

Zgjedhjet e parakohshme parlamentare në Kosovë janë mbajtur më 6 tetor. Lëvizja Vetëvendosje ka fituar më së shumti vota, e përcjellë nga Lidhja Demokratike e Kosovës./21Media