Wood: Kosova e Serbia të ndërmarrin hapa drejt dialogut
Misioni i SHBA-së në OKB ka dhënë detaje rreth takimit të Përfaqësuesit Alternativ të Shteteve të Bashkuara për Çështjet e Posaçme Politike në Kombet e Bashkuara, Robert Wood, me presidenten e Kosovës, Vjosa Osman më 22 prill në Neë York.
Siç bëhet e ditur në njoftim në këtë takim është diskutuar për raportet e ngushta dhe të qëndrueshme mes dy palëve.
Wood në këtë takim ka theksuar aspiratën e SHBA-së për të gjitha vendet e Ballkanit Perëndimor që të ndërtojnë një integrim më të madh ekonomik, të forcojnë stabilitetin rajonal, demokracinë, dhe shoqëritë multi-etnike dhe të mbrojnë sundimin e ligjit.
“Ambasadori Wood nënvizoi aspiratat e SHBA-së për të gjitha vendet në Ballkanin Perëndimor për të ndërtuar një integrim më të madh ekonomik rajonal, për të nxitur stabilitetin rajonal, demokracinë dhe shoqëritë multi-etnike dhe për të mbrojtur sundimin e ligjit. Ambasadori Wood përsëriti thirrjen e Shteteve të Bashkuara për Kosovën dhe Serbinë që të ndërmarrin hapa konkretë përpara përmes dialogut të lehtësuar nga BE”, thuhet në njoftim.
Dëshiron ta dëgjosh këtë lajm me zë?