Zaev: Deri në fund të javës do të kemi marrëveshje për zëvendësminiatrat

 

Kryeministri i Maqedonisë së Veriut  Zoran Zaevi beson se deri në fund të javës do të arrihet marrëveshje për zëvendësministrat në Qeveri, si dhe për kryetarët dhe zëvendëskryetarët e komisioneve kuvendore. Probleme thotë nuk ka, por vetëm zhvillohet debat cilësor që të gjendet një gjuhë e përbashkët që në vende të vendosen kuadro më cilësorë të cilët janë në dispozicion.

“Besoj se deri në fund të javës do t’i përfundojmë të gjitha konsultimet dhe bisedimet me kandidatët potencialë për zëvendësministra që të mundem si mandatar, tani tashmë si kryeministër, t’i dorëzoj deri në Kuvend për vendimmarrje. Ky është një proces ki zhvillohen bisedime me partnerët, dëshirojmë të zgjedhim atë më cilësore nga atë që e kemi si ofertë”, tha Zaevi duke u përgjigjur në pyetjen e gazetarëve para takimit në LSM.

Më vjen keq, tha Zaevi, që shumë kuadro cilësorë nuk pranojnë funksione sepse kanë paga më të larta në sektorin privat ku punojnë.

Kryeministri shtoi se nuk ka problem as në shpërndarjen e vendeve në komisionet kuvendore.

“Në Parlament nuk ka probleme rreth formimit të komisioneve jo më shumë sa ka pasur gjithmonë në formimin e tyre.Debati i parë midis pushtetit dhe opozitës për shpërndarje është e qartë se dihet sa vende kanë si për njërin ashtu edhe për tjetrin. Për momentin në koalicionin qeveritar shohim si me më përgjegjësi të vendosen kuadrot nga Parlamenti për efekte maksimale dhe efikasitet në punën”, tha kryeministri Zaev.

Besoj, shtoi ai, se këto ditë do të gjendet zgjidhje edhe atë vetëm në bazë të argumenteve përmes një debati cilësor i cili është në vijim dhe se nga ai do të dalin zgjidhjet më të mira për kryetarë dhe anëtarë të komisioneve kuvendore.  /TV21