Zaharova: Përkeqësimi i situatës në Kosovë nisi pas samitit në Tiranë

Zëdhënësja e Ministrisë së Punëve të Jashtme ruse, Marija Zakharova thotë se situata në Kosovë është përkeqësuar pas samitit të BE-së në Tiranë, në të cilin kanë marrë pjesë vendet e Ballkanit Perëndimor.
“Pakkush i kushtoi vëmendje faktit se acarimi i fundit i situatës në Kosovë ndodhi menjëherë pasi BE-ja mbajti një samit ku përfshiheshin vendet e Ballkanit Perëndimor në Shqipëri. Domethënë si dukej: më 6 dhjetor, Bashkimi Evropian mban një samit në Shqipëri. Pranon dokumentin e Deklaratës së Tiranës, i cili mbështet aspiratat e “Ballkanit Perëndimor” për t’u anëtarësuar në Bashkimin Evropian. Për më tepër, në një paragraf të veçantë të deklaratës nga Tirana, thuhet se Kosova separatiste (si dhe Serbia) janë ‘në rrugën evropiane’”, ka shkruar Zaharova në Telegram.
Tutje ajo pyeti nëse ishte e çuditshme që më pak se një javë më vonë autoritetet e Prishtinës nisën “provokimet në veri”, ku arrestuan Dejan Pantiqin dhe “filluan të transmetonin retorikë agresive”.
“Kjo është tradhti që në fillim. Si një dasmë që fillon me tradhti”, ka përfunduar Zaharova./21Media