Zbulohet varrezë e re masive në afërsi të Mariupolit

Një varr i tretë masiv është gjetur pranë Mariupolit, ka thënë kryetari i bashkisë së qytetit të rrethuar juglindor, Vadym Boichenko
Përveç varreve masive të zbuluara në fshatrat Mangush dhe Vynohradne, “tani shohim se ka një tjetër”, ka thënë  Boichenko.
Imazhet e reja satelitore kanë treguar një varr masiv në fshatin Staryi Krym.
Imazhet treguan llogore të gërmuara në territorin e varrezave të vjetra të Krimesë, tha këshilli i qytetit në Telegram.
Ata u shfaqën më 24 mars, pasi fshati u pushtua nga rusët, dhe ishin rreth 60 deri në 70 metra të gjatë, ka thënë këshilli.
Deri më 7 prill, sipas imazheve të reja, një pjesë e llogoreve ishte mbuluar dhe zona e varrimit ishte rritur.
“Llogore të reja u regjistruan më 24 prill. Gjatësia e varrit masiv është rritur në më shumë se 200 metra”, ka thënë Boichenko.
Boichenko akuzoi forcat ruse për përfshirjen e popullsisë vendase në varrime masive në këmbim të ushqimit.
Javën e kaluar, zyrtarët ukrainas identifikuan vendndodhjen e varreve masive në Manhush afër Mariupolit pas publikimit të imazheve satelitore të mbledhura dhe të analizuara nga Maxar Technologies.
Petro Andriushchenko, këshilltar i kryebashkiakut Mariupol, postoi të enjten në Telegram për varrin masiv në Manhush.
“Si rezultat i një kërkimi të gjatë dhe identifikimit të vendeve të varrimit masiv të banorëve të vdekur të Mariupolit, ne konstatuam faktin e rregullimit dhe varrimit masiv të banorëve të vdekur të Mariupolit në fshatin Manhush”, ka thënë ai./21Media