Zelensky: Njerëzit në Bucha trajtohen më keq se kafshët

Presidenti ukrainas, Volodymyr Zelensky ka folur gjatë vizitës së tij në Bucha, një qytet në të cilin forcat ruse janë akuzuar për masakrën e civilëve.
Pavarësisht vuajtjeve njerëzore atje, ai u tha gazetarëve se banorët po tregonin humanizmin e tyre duke siguruar që kafshët e pastrehë të ushqeheshin.
“Kjo është një tipar karakteristik i njerëzve tanë, mendoj – trajtojini kafshët ashtu siç do t’i trajtonit njerëzit”, tha ai.
“[Por] ju mund të shihni përreth se çfarë i është bërë këtij qyteti modern. Kjo është një karakteristikë e ushtarëve rusë – trajtojini njerëzit më keq se kafshët. Ky është gjenocid i vërtetë, ajo që keni parë këtu sot”, tha presidenti Zelensky.
Zelensky vazhdoi duke fajësuar Rusinë për “zvarritjen” e bisedimeve të paqes në Turqi, duke thënë se kjo vetëm do ta përkeqësonte situatën në terren.
“Me çdo ditë, kur ushtria jonë po lëviz në territorin e pushtuar më parë, ju mund të shihni se çfarë po ndodh. Ditë pas dite, ata gjejnë trupa nëpër bodrume; njerëz të torturuar, njerëz të vrarë”, tha ai.
Moska ka mohuar të ketë shënjestruar civilët gjatë pushtimit të saj./21Media