Zemaj: 871 të infektuar sot, asnjë përgjigje nga Qeveria

Ish-ministri i Shëndetësisë, njëherësh deputet i Lidhjes Demokratike të Kosovës, Armend Zemaj ka kërkuar që Qeveria të veprojë lidhur me situatën e rritjes së të infektuarve me COVID-19 dhe me rritjen e çmimeve.
Deputeti ka thënë se situata aktuale është e patolerueshme dhe se Qeveria duhet të marrë përgjegjësi.
“Çështjet të cilat i ngritin jashtë rendit të ditës mendojmë se e meritojmë një vëmendje nga qeveria dhe një përgjigje. Nuk i ngritim ne nëse mendon dikush ajo praktika e keq quajtur ‘hajt pak’, 871 të infektuar sot, asnjë përgjigje, 60 centë buka, del ministri i Financave tallet këtu jo i ke prish raportet çka ke me Bankën Botërore, ta merr mendja jemi NATO a KFOR-i. Në kërkojmë përgjigje, qytetarët kërkojnë përgjigje, kjo gjendje është e pa tolerueshme andaj bëhuni më serioz, dilni merrni përgjegjësi, sektorët janë të ndjeshëm, shëndeti publik është shumë i rëndësishëm, pacientët janë duke u dëmtuar në të gjitha format, edhe me rritjen e çmimeve”, ka thënë Zemaj në seancën e Kuvendit të Kosovës./KP