Zemaj thotë se VV-ja s’e njeh Kushtetutën

Deputeti i Lidhjes Demokratike të Kosovës, Armend Zemaj, ka deklaruar se Lëvizja Vetëvendosje nuk e njeh Kushtetutën e Kosovës dhe tha se s’i respekton vendimet e këtij institucioni.

Zemaj u shpreh para mediave se ky ngërç politik është fatkeqësi për Kosovën.

“Vetëvendosje s’e njeh Kushtetutën e Kosovës dhe s’i respekton vendimet. E njeh vetëm egon dhe dashurinë e madhe për pushtetin…Kosova po humb shumë”, ka thënë ai.

Deputeti i LDK-së u shpreh se në këtë situatë duhet të shfrytëzohen format demokratike.