Zëvendëskryeministrja: Jam e tmerruar nga fyerjet shoviniste të bazuara në përkatësi racore

 
Zëvendëskryeministrja e Kosovës, Emilija Redžepi, ka reaguar lidhur me rastin që ndodhi mbrëmë në një qendër tregtare në Prizren, ku një familje rome u sulmua për mosmbajtjen e maskave.
“Si zëvendëskryeministre e Republikës së Kosovës, dënojë fuqishëm aktin e barbarisë dhe shprehjes së urrejtjes dhe intolerancës ndaj popujve të tjerë që vijnë nga komuniteti joshumicë, që fatkeqësisht ndodhi mbrëmë në një qendër tregtare në Prizren, ku një familje rome u sulmua për mosmbajtjen e maskave. Jam e tmerruar nga fyerjet shoviniste të bazuara në përkatësi racore dhe etnike dhe dënojë fuqishëm sulmin ndaj pjesëtarëve të komunitetit rom!”, ka thënë Redžepi.
Zëvendëskryeministrja ka theksuar se romët janë qytetarë të barabartë të qytetit dhe shtetit tonë, të cilët gëzojnë të njëjtat të drejta si të gjithë qytetarët e tjerë.
“Të gjithë ata që morën pjesë në sulm do të mbajnë përgjegjësi, jam e sigurt në punën e institucioneve kompetente!”, ka shkruar Redžepi në Facebook.

Ndërkohë, avokati Arianit Koci ka dhënë detaje të tjera lidhur me rastin që ndodhi mbrëmë në një qendër tregtare në Prizren.

Sulm ndaj një familje rome në një qendër tregtare në Prizren