Zgjatet afati i aplikimit për subvencione

Afati për aplikim për pagesa direkte – subvencione për vitin 2022 është zgjatur deri më 1 qershor 2022 ora 16:00. Kështu ka bërë të ditur Ministria e Bujqësisë, Pylltarisë dhe Zhvillimit Rural.
Kjo zgjatje e periudhës për aplikim po bëhet për shkak të kërkesave të fermerëve dhe Drejtorive Komunale për Bujqësi duke iu mundësuar në këtë mënyrë aplikimin të gjithë fermerëve, që kanë mbetur pa aplikuar deri më tani në kuadër të Programit për Pagesa Direkte 2022.
Ndërkaq, procedurat e aplikimit dhe dokumentacioni mbetet i njëjtë dhe të gjithë të interesuarit informatat e hollësishme mund t’i gjejnë në ueb faqen e MBPZHR-së, www.mbpzhr-ks.net dhe në ueb faqen e AZHB-së, www.azhb-ks.net, si dhe në drejtoritë komunale për bujqësi./21Media