Zjarret vdekjeprurëse vazhdojnë nëpër Urale dhe Siberi, 21 të vdekur

Zjarret e mëdha kanë vazhduar të bëjnë shkrumb e hi zona të tëra në Siberi dhe në Urale të Rusisë, duke shkatërruar mijëra struktura.

Agjencia ruse e lajmeve, Tass, ka raportuar se në Malet Urale kanë vdekur 21 persona si pasojë e zjarreve.

Zjarret kanë goditur rajonin Novosibirsk, duke detyruar autoritetet që t’i evakuojnë mijëra banorë.

Të gjithë banorët janë njoftuar me mesazhe telefonike se janë në rrezik nga zjarret e mëdha.

Autoritetet kanë raportuar për së paku 59 vatra zjarri në Siberi.

Zjarrfikësit kanë arritur të shuajnë 16 zjarre, ndërkaq 30 të tjera janë në kontroll.

Më shumë se 4 mijë e 100 persona dhe 570 pajisje janë përfshirë në betejën kundër zjarreve.

Në vitet e fundit, Rusia është përballur me zjarre të shumta shkaku i verërave të thata dhe temperaturave të larta.

Ekspertët kanë fajësuar vendimin e Qeverisë për të shpërbërë rrjetin federal që ishte angazhuar për gjetjen dhe shuarjen e zjarreve në Rusi.

Kjo detyrë iu është besuar autoriteteve rajonale, të cilat nuk kanë pasur fuqi në betejën kundër zjarreve.

Presidenti rus, Vladimir Putin, u ka bërë thirrje autoriteteve para një viti që të punojnë më shumë në parandalimin e zjarreve.