Zvicëra e dënon me 14 vjet burgim gruan nga Kosova, tentoi ta mbyste burrin

Një 56-vjeçare nga Kosova është dënuar me 14 vjet burgim.
Vendimi u mor nga Gjykata Federale e Zvicrës.
Kjo për shkak se ajo akuzohet se ka tentuar që ta vrasë ish-burrin e saj me kabllo.
Po ashtu kosovarja 56-vjeçarja do të dëbohet për 12 vjet nga ky shtet pasi ta ketë përfunduar dënimin, shkruan gazeta zvicerane Blick.ch.
Ngjarja ka ndodhur në prill të vitit 2018-të.
E pandehura e kishte joshur ish- burrin e saj tek shtëpia e saj, që nuk jetonte me të.
Viktima synonte që të fillonte një jetë të re me të dashurën e tij të re.
Sipas raportimeve, gruaja i kishte dhënë ish-burrit të saj pije me barëra dhe drogë.
E në mëngjes kur e kishte parë se ai ishte gjallë, kosovarja ishte munduar që ta mbyste me një karikues (adapter) të telefonit.
Mirëpo, në momentet e fundit ajo ishte tërhequr nga vajza e saj.
Sipas Gjykatës Federale, motivi i veprës është prekja e krenarisë së të akuzuarës, për shkak se burri e kishte lënë për një tjetër.
Përveç kësaj burri e kishte njoftuar se pasurinë paluajtshme do t’ia transferonte partnerës së tij të re.