Zyrtare, Robert Lewandowski në Barcelonë

Saga më e madhe e transferimeve të verës ka marrë fund pasi Barcelona ka kompletuar nënshkrimin e Robert Lewandowski nga Bayern Munich.
Polaku do të nënshkruajë një marrëveshje trevjeçare me opsionin për ta zgjatur atë edhe për një vit tjetër.
Tarifa e transferimit thuhet të jetë 45 milionë euro në pagesë fikse, plus 5 milionë euro në variabla.
Dhe ndërsa lëvizja ka kaluar, ajo vjen me pak probleme, e para është paga e Lewandowskit.
Barcelona do të duhet të gjejë një mënyrë për ta regjistruar atë së bashku me Franck Kessie, Andreas Christensen dhe Raphinha tashmë të nënshkruar.
Së dyti, Barcelona nuk ka numër rezervë të fanellës në skuadrën e parë për sulmuesin. Numri 9 i tij i preferuar është me Memphis Depay.
Ansu Fati mban numrin 10 dhe Ousmane Dembele ka numrin 7.
Sido që të jetë, Barcelona me sa duket ka realizuar një nga transferimet më të mëdha të sezonit – nënshkrimin e fituesit të Këpucës së Artë të dy sezoneve të fundit./21Media