Zyrtari i mbështetur nga Rusia fajëson Ukrainën për “sulmin” në urën e Krimesë
Një zyrtar i emëruar nga Moska në Krimenë e pushtuar të hënën fajësoi Ukrainën për një “sulm” në urën që lidh gadishullin me Rusinë.
“Sonte regjimi terrorist në Kiev kreu një krim të ri – sulmoi urën e Krimesë”, tha në Telegram Vladimir Konstantinov, kreu i Këshillit Shtetëror të Republikës së Krimesë.
Ura kyçe u godit nga sulmet herët të hënën, sipas raporteve të shumta. Dy persona u vranë në incident, tha më herët një guvernator rajonal rus.
Kievi nuk ka marrë përgjegjësinë e drejtpërdrejtë për sulmin e supozuar.
Tetorin e kaluar, një shpërthim i madh dëmtoi pjesërisht urën, duke shkaktuar shembjen e pjesëve të saj. Në fillim të këtij muaji, zëvendësministrja e Mbrojtjes e Ukrainës, Hanna Maliar, bëri atë që dukej të ishte pranimi më i qartë se forcat ukrainase ishin përgjegjëse për sulmin e tetorit./21Media
NDIQNI PJESËT MË INTERESANTE TË PROGRAMIT TË RTV21, DUKE BËRË LIKE KËTË FAQE – 21 MEDIA