8-vjeçari sulmohet nga qentë endacakë në Vushtrri

Viktima ka pësuar lëndime të rënda

Një fëmijë tetëvjeçar është sulmuar vikendin që lamë pas, nga qentë endacakë.

Viktima ka pësuar lëndime të rënda në fytyrë si pasojë e kafshimit të qenve në rrugën “Kadri Dushi” në Vushtrri. Fëmijët tjerë që ishin në shoqërinë e viktimës, kanë arritur të ikin dhe të shpëtojnë pa lëndime.

Zëdhënësi i policisë për rajonin e Mitrovicës, Avni Zahiti për portalin rtv21.tv e ka konfirmuar rastin dhe ka bërë të ditur se rasti është paraqitur në prokurori./21Media