Aksident trafiku, vdes këmbësorja
Një këmbësore ka humbur jetën në një aksident trafiku
Këmbësorja 37 vjeç është goditur nga një veturë në rrugën Prishtinë – Ferizaj, saktësisht në fshatin Llugaxhi, pas plagëve të marra ajo ka ndërruar jetë.
Lajmin për rtv21.tv e ka konfirmuar zëdhënësja e Policisë për rajonin e Prishtinës, Flora Ahmeti.
“Rreth orës 17:30 kemi pranuar informatën për një aksident trafiku në rrugën Prishtinë – Ferizaj, saktësisht në fshatin Llugaxhi te Lipjanit. Në aksident kanë qenë te përfshirë një automjet dhe një këmbësore. Si pasojë e aksidentit këmbësorja Sh.H. (femër 37 vjeç) ka humbur jetën. Vdekjen e viktimës e ka konstatuar ekipi mjekësor në vendngjarje. Ngasësi i automjetit është shoqëruar në stacion policor”, deklaroi Ahmeti.
Me këtë rast po merren njësitet përkatëse./21Media