G7, perëndimorët unik për çështjen siriane

Rex Tillerson tha se marrëdhëniet janë tendosur mes SHBA-së, që kërkoi largimin e presidentit sirian

Ministrat e Punëve të Jashtme të G7-s do të kërkojnë sot dhe nesër të shfaqin unitetin e tyre, në përpjekje për të filluar procesin politik në Siri dhe për të dhënë një mesazh të qartë dhe të koordinuar me Rusinë.

Para vizitës në Moskë të sekretarit amerikan të Shtetit, Rex Tillerson,  tha se marrëdhëniet janë tendosur mes SHBA-së, që kërkoi dje largimin e presidentit sirian, Bachar al-Assad, dhe aleatëve të Damaskut, veçanërisht Rusinë dhe Iranin, që kërcënuan Uashingtonin me kundërpërgjigje.

Takimi ministror i përvitshëm i G7-s do të jetë rasti për disa shefa të diplomacisë të njihen me Tillerson duke diskutuar një sërë çështjesh, luftën kundër terrorizmit, situatën në Libi dhe në Ukrainë, provokimet koreano-veriore, marrëveshjen për programin bërthamor iranian.