Georgieva ka shërbyer nga viti 2017 si zyrtare kryesore ekzekutive në Bankën Botërore

Georgieva ka shërbyer nga viti 2017 si zyrtare kryesore ekzekutive në Bankën Botërore

Kristalina Georgieva, nga Bullgaria, është kandidatja e vetme për postin e shefes së Fondit Monetar Ndërkombëtar (FMN).

Udhëheqësja e deritanishme, Christine Lagarde, ka dhënë dorëheqje nga posti për të marrë drejtimin e Bankës Qendrore Evropiane.

Kandidatura nuk pranohen më, tha të hënën FMN-ja, për të shtuar se bordi i saj ekzekutiv do të zhvillojë tani intervista me Georgievan.

Georgieva ka shërbyer nga viti 2017 si zyrtare kryesore ekzekutive në Bankën Botërore.

FMN-ja synon të emërojë pasardhësen e Lagardes deri më 4 tetor.

Lagarde do të largohet zyrtarisht nga pozita e shefes së FMN-së të enjten.

Që nga formimi i Fondit Monetar Ndërkombëtar dhe i Bankës Botërore, menjëherë pas Luftës së Dytë Botërore, FMN-ja gjithmonë është drejtuar nga një shtetas evropian, ndërsa Banka Botërore nga një shtetas amerikan.

Muaj më parë, administrata e presidentit të Shteteve të Bashkuara, Donald Trump, ka lobuar me sukses për emërimin e David Malpassit në krye të Bankës Botërore.

Malpass ka shërbyer në administratën Trump si zyrtar i lartë i Departamentit të Thesarit.

Përveç shërbimit në Bankën Botërore, Georgieva, 66 vjeçe, ka shërbyer më herët edhe si komisionare e Bashkimit Evropian për të drejtat e njeriut./rel