Shërbimet sekrete: Pak islamikë radikalë kanë qëllim të përgatisin një sulm terrorist

Shërbimet sekrete: Pak islamikë radikalë kanë qëllim të përgatisin një sulm terrorist

Rreth 2 mijë islamikë të radikalizuar gjenden aktualisht në territorin e Suedisë, dhjetë herë më shumë se sa në vitin 2010, por vetëm një numër i vogël i tyre dyshohet që mund të kryejë akte të dhunshme, njoftoi sot shefi suedez i shërbimeve sekrete.

Në 3 mijë ekstremistë që janë përkrahës të veprimeve të dhunshme të regjistruar nga policia sekrete (SAPO) e vendit skandinav, 2 mijë persona i përkasin lëvizjes islamike.

Në vitin 2010, SAPO vlerësonte se numri i islamikëve radikalë në Suedi ishte 200.

Megjithatë sipas shërbimeve sekrete, vetëm pak islamikë radikalë që jetojnë në Suedi kanë njëkohësisht qëllim dhe aftësi që të përgatisin një sulm terrorist.