Sulm me të shtëna në Francë,  vritet një polic, sulmuesi qëllohet për vdekje

Sulm me të shtëna në Francë,  vritet një polic, sulmuesi qëllohet për vdekje

Nje policë është vrarë, ndërsa dy të tjerë kanë pësuar plagë të rënda si pasojë e sulmit me armë zjarri në Shamp Elize në Francë, ndërsa sulmuesi është vrarë nga pjesëtarët e policisë, raportuan mediat nderkombëtare.

Sulmuesi ndali automjetin e tij afër një kombi të policisë dhe hapi zjarr në drejtim të policëve.
Pak kohë pas incidentit, Presidenti i Francës, Fransoa Holland thirri një takim urgjent të kabinetit të tij, pas të cilit konfirmoi se është i bindur se bëhet fjalë për një sulm terrorist dhe shtoi se në mëngjes do të zhvilloi një takim me shërbimet e sigurisë.

“Do të nderojmë me nderime kombëtare policin, i cili u vra në mënyrë qyqare. Është qëlluar edhe një kalimtar, ndërsa sulmuesi është vrarë nga pjesëtarët tjerë të policisë. I tërë rajoni është bllokuar, ndërsa qytetarët janë evakuuar”, tha Holland, i cili kërkoi gjithashtu edhe shtyerjen e rrethit të parë të zgjedhjeve presidenciale, i cili është paraparë të zhvillohet të dielën, shkruan rtv21.tv.

Siç raportoi BBC, përgjegjësinë për sulmin në Paris e mori përsipër Shteti Islamik, duke kumtuar se sulmi në kryeqytetin e Francës është ndërmarrë nga një luftëtar i kësaj organizate.

Zëdhënësi i ministrisë së Brendshme të Francës, Pjer Henri Brande, mohoi raportet e mëhershme të agjencive të lajmeve se është vrarë edhe një polic i dytë dhe se ka pasur edhe një incident tjetër me të shtëna në Paris. Ai gjithashtu konfirmoi se sulmuesi u vra, kur tentoi te arratisej nga vendi i ngjarjes.

Njëkohësisht, është lëshuar urdhri për arrestimin e një personi të dytë, për të cilin besohet se ka qenë i përfshirë në sulm dhe për të cilin besohet se në Francë kishte shkuar me tren nga Belgjika. Disa media ndërkombëtare publikuan fotografinë e të dyshuarit, për të cilin thuhet se quhet Jusuf Al Osri. Sipas burimeve të policisë franceze, policia belge kishte njoftuar sot kolegët e tyre francezë se Al Osri ishte nisur nga Belgjika për në Paris./21Media

http://rtv21.tv/sulm-ne-paris-vritet-nje-polic/
Facebook Comment