Vdekje e dyshimtë në Lipjan

Një grua dje është gjetur pa shenja jete në Lipjan.

Në raportin ditor të Policisë thuhet se lidhur me rastin në vendin e ngjarjes kanë dalë njësitet policore dhe ekipi mjekësor ku nga mjeku është konstatuar vdekja e viktimës.

“Lipjan 16.08.2023 – 07:22. Është raportuar se viktima femër kosovare ishte gjetur pa shenja jete. Në vendin e ngjarjes kanë dalë njësitë relevante të policisë dhe ekipi mjekësor dhe nga mjeku është konstatuar vdekja e viktimës. Me urdhër të prokurorit trupi i pajetë i viktimës është dërguar në IML për obduksion, rasti vazhdon të hetohet”, thuhet në njoftim./21Media